АҚШ ракетага қарши янги мудофаа тизимини яратади
Тизим уч йил ичида тайёр бўлиши режалаштирилган.
АҚШ президенти Доналд Трамп мамлакат янги авлод “Олтин гумбаз” ракетага қарши мудофаа тизими архитектураси танлангани ҳақида эълон қилди. Тизим уч йил ичида тайёр бўлиши режалаштирилган. Дастур умумий қиймати камида 175 миллиард долларни ташкил қилади.
Доналд Трампнинг айтишича, янги “Олтин гумбаз” тизими ҳар томондан ҳужумларга қарши ҳимоя қилишга мўлжалланган. У исталган турдаги ракеталарни тутиб қолувчи воситаларни ҳам ўз ичига олади. “Олтин гумбаз” гипертовушли ракеталардан 100 фоиз ҳимоя қила олади. “Бундай технология фақат АҚШда бор”, — дейди Трамп.
АҚШ мудофаа вазири Пит Ҳегсет эса бу тизим собиқ президент Роналд Рейганнинг “Юлдузли урушлар” ташаббусининг мантиқий давоми эканини таъкидлади. Унинг айтишича, “Олтин гумбаз” америкаликларни узоқ муддатда баллистик, қанотли ва гипертовушли ракеталардан ҳимоя қилади. Канда ҳам ушбу дастурга қўшилиш истагини билдирган.
