Австралияда кучли сув тошқинлари кузатилмоқда
Фожиа оқибатида 50 мингга яқин киши изоляцияда қолмоқда.
Австралиянинг Янги Жанубий Уэлс штатида кучли ёмғирлар сабаб юзага келган сув тошқинлари оқибатида 50 мингга яқин одам изоляцияда қолмоқда.
Расмий маълумотларга кўра, ҳозирда 48 мингдан ортиқ фуқаролар ташқи алоқадан узилган. Сув тошқини энг кўп зарар етказган ҳудудлар қаторига Тари, Вингем ва Глентҳорн киради. Ярим тундан бери қутқарувчилар 289 та чақирувга жавоб берган.
Жабрланганларга ёрдам кўрсатиш учун вертолётлар ва қайиқлар сафарбар этилган. Қутқарув ишларида 40 дан ортиқ бригада иштирок этмоқда. Расмийлар эвакуация қилинаётганлар сони яна ортиши мумкинлигини билдирган.
Метеорологларнинг огоҳлантиришича, штатнинг шимолий ҳудудларида кучли ёмғирлар жума кунигача давом этади. Айрим ҳудудларда ёғингарчилик миқдори 300 миллиметргача етиши мумкин.
