Ҳиндистонда аёл 25 марта турмуш қурди

 

Ҳиндистоннинг Ражастан штати полицияси 23 ёшли Анурадҳа Пасванни исмли аёлни ҳибсга олди. У атиги етти ой ичида мамлакатнинг турли штатларида 25 эркакка турмушга чиқиб, уларни мол-мулкидан маҳрум қилганликда айбланмоқда.

 

Маълумотларга кўра, Пасванни 19 май куни Бҳопал шаҳрида ҳибсга олинган. У тўйдан кўп ўтмай турмуш ўртоғи ва унинг оиласининг қимматбаҳо буюмларини ўғирлаб ғойиб бўлишга қаратилган мураккаб фирибгарлик схемасини яратишда айбланмоқда.

 

Терговчиларнинг маълум қилишича, у ҳар бир никоҳ учун сохта ҳужжатлардан фойдаланган. Ҳар бир ҳолатда у турмуш ўртоғи билан бир неча кун яшаб, кейин эса кечаси олтин заргарлик буюмлари, нақд пул ва электрон қурилмаларни олиб ғойиб бўларди.

 

3 май куни жабрланганлардан бири унинг устидан полицияга мурожаат қилган ва фирибгар фош бўлган.

 

Маълумотларга кўра, бу Ҳиндистонда биринчи бундай ҳолат эмас. 2023 йил июль ойида яна бир аёл 27 нафар эркакка турмушга чиқиб, улардан катта миқдорда пул ва мол-мулк ўғирлаб ҳибсга олинган эди. Ушбу фирибгар аёллар ёлғиз эмас, улар билан биргаликда ҳаракат қилувчи шериклар мавжуд бўлиб, улар «келин» учун муносиб куёвлар излашган ва тўй маросимини уюштиришган.

 

Куёвлар ишончига киргач, янги келин бир неча кундан сўнг ҳар хил баҳоналар, жумладан, касалхонага бориш каби сабаблар билан уйидан чиқиб кетиб, ғойиб бўлишади.