Руминия президенти Украинага қўшин юбориш ғоясини рад этди

 

Руминиянинг янги сайланган президенти Никушор Дан Украинага Руминия қўшинларини юбориш масаласига муносабат билдириб, бу фикрни ноўрин деб ҳисоблашини маълум қилди.

 

Президент Дан ўз позициясини қуйидагича изоҳлади: “Руминия ҳудудида кенг кўламли операцион ёрдам кўрсатиш – бу ҳа, лекин Украинага тинчликни кафолатловчи кучлар сифатида қўшин юбориш – бу йўқ. Бу айниқса, Руминия ва Россия ўртасидаги мавжуд кескинлик фонида ўта ножўя ҳаракат бўлади”, — деди у.

 

Шунингдек, у АҚШ президенти Доналд Трампнинг Украинадаги можарога тинчлик йўли билан ечим топишга бўлган ёндашувини ҳам танқид қилди. Даннинг таъкидлашича, Россия президенти Владимир Путиннинг тинчлик шартлари “ҳақиқий ва амалий эмас”.

 

“Мен яқин орада барқарор тинчлик ўрнатилишига унчалик оптимистик қарай олмайман”, — дея қўшимча қилди Руминия президенти.