Хитой Европа Иттифоқининг санкцияларига кескин эътироз билдирди
Хитой: Компанияларимизга қарши чекловлар ноҳақ.
Хитой Ташқи ишлар вазирлиги Европа Иттифоқининг Россияга қарши жорий қилган 17-санкциялар пакети доирасида айрим Хитой компанияларига нисбатан чекловлар қўлланишига жиддий норозилик билдирди.
Хитой ТИВ расмий вакили Мао Нинг TASS ахборот агентлигининг саволига жавоб берар экан, Европа Иттифоқи томонидан Хитой компанияларига нисбатан жорий этилган чораларни асоссиз деб атади.
"Хитой Европа томонининг Хитой корхоналарига қарши қаратилган асоссиз санкцияларига нисбатан қатъий норозилик билдиради", — деди у ТИВдаги навбатдаги брифингда.
Мао Нингнинг таъкидлашича, Хитой ҳар доим бир томонлама санкциялар ва уларнинг халқаро ҳуқуққа зид тарзда қўлланилишига қарши чиқади ҳамда ўз компанияларининг ҳуқуқларини қатъий ҳимоя қилади.
