22 май— Bitcoin Pizza куни: энг қиммат пицца тарихи
Дунёнинг энг қиммат пиццасига 15 йил бўлди.
22 май — криптотарихдаги унутилмас кун: бундан 15 йил аввал, 2010 йил 22 майда дастурчи Ласзло Ҳанесз тарихда илк бор Bitcoin орқали реал маҳсулот харид қилган эди. У икки дона пицца учун 10 000 BTC тўлаган. Бугунги курсда бу миқдор 1,1 миллиард АҚШ долларига тенг.
Бу воқеа Bitcoin'нинг ҳақиқий иқтисодий айланишга кирган илк нуқтаси сифатида эътироф этилади. Ўша пицца эса “дунёнинг энг қиммат пиццаси” унвонини олган. Шу сабабли ҳар йили 22 май “Bitcoin Pizza Day” сифатида нишонланади — криптовалюталарнинг кундалик ҳаётда қандай аҳамият касб эта бошлаганини эслатиб турувчи рамзий сана.
Ласзло Ҳанесз Флорида штатида яшовчи дастурчи бўлиб, Bitcoin чиқариш (майнинг) ишларини илк бошлаганлардан биридир. У ўз постида форум орқали “10 000 BTC эвазига ким пицца олиб беради?” деб ёзган ва буюртмасини Papa John’s тармоғидан олган.
