Германия рекорд даражадаги банкротликка дуч келмоқда
2024 йилда 200 мингга яқин компаниялар ёпилган.
Германияда 2024 йил давомида 196 100 та компания фаолиятини тўхтатди, бу эса сўнгги ўн йил ичида кузатилган энг юқори кўрсаткич бўлди. Бу ҳақда ZEW (Эвропа иқтисодий тадқиқотлар маркази) ва Средитреформ кредит компанияси томонидан ўтказилган қўшма тадқиқоти хабар бермоқда.
Статистикага кўра, банкротлик ҳолатлари ўтган йилга нисбатан 16 фоизга ошган. Мутахассислар бу ҳолатга асосий сабаб сифатида энергиянинг қимматлашуви, саноат ишлаб чиқаришининг қисқариши ҳамда экспорт ҳажмининг заиф тикланишини кўрсатишган.
Инқироз айниқса энергия талаб қиладиган саноат (ёпилишлар 26 фоизга ошган) ва юқори технологияли компаниялар (24 фоизга ошган) учун оғир бўлди. Энг кўп зарар кўрган соҳалардан яна бири — кимё ва фармацевтика: бу сегментда 360 га яқин корхона банкротликка учраган.
Экспертлар бу ҳолатни бир нечта омиллар билан боғлашмоқда: глобал рақобатнинг кучайиши, ортиқча бюрократия, демографик инқироз фонида малакали ишчи кучи танқислиги ва ички бозордаги босимлар Германиядаги тадбиркорлик муҳитини издан чиқармоқда.
