Ҳиндистонда дўл ёғиши сабаб икки киши ҳалок бўлди
10 дан ортиқ одам турли даражада тан жароҳати олган.
Ҳиндистон пойтахти Деҳлида 21 май куни кучли ёмғир ва дўл ёғиши оқибатида икки киши ҳалок бўлди, яна камида 11 киши турли даражадаги жароҳатлар олди. Бу ҳақда PTI агентлиги полиция маълумотларига таяниб хабар бермоқда.
Ҳалок бўлганлар орасида 22 ёшли эркак ва ногирон шахс борлиги маълум қилинди. Табиий офат вақтида дарахтларнинг машиналар устига қулаши ва шаҳар инфратузилмасига етган зарарлар туфайли электр таъминотида узилишлар рўй берди. Шунингдек, пойтахт аэропортида камида 13 та рейс бекор қилинди.
Ҳиндистон Метеорология департаменти маълумотига кўра, бўрон вақтида шамол тезлиги соатига 79 километрга етган. Кучли ёмғир билан бирга катта дўл ёғгани ҳам тасдиқланган.
