Вашингтонда Исроил элчихонасининг икки ходими отиб ўлдирилди
Трамп ҳалок бўлганларнинг оилаларига ҳамдардлик билдирди.
Вашингтонда Исроил элчихонасининг икки нафар дипломатик ходими отиб ўлдирилди. Полиция маълумотига кўра, ҳужумни амалга оширишда гумонланаётган 30 ёшли Чикаго фуқароси Элиас Родригес қўлга олинган. У ҳибсга олинаётганда “Эркин Фаластинга озодлик!” дея бақирган.
Ҳодиса натижасида ҳалок бўлганлар — ёш дипломатлар жуфтлиги бўлгани маълум қилинди. Полиция ҳужумчини ёлғиз ҳаракат қилган шахс сифатида тавсифлаган ва айни вақтда янги таҳдидлар мавжуд эмаслигини билдирган.
АҚШ президенти Доналд Трамп воқеа юзасидан баёнот бериб, қурбонларнинг оилаларига ҳамдардлик изҳор этди ҳамда “Қўшма Штатларда антисемитизм ва радикализмга ўрин йўқ”, дея таъкидлади.
