Британия Чагос оролларини Маврикийга топширишга рози бўлди
Ҳудуддаги ҳарбий база эса ижара асосида сақлаб қолади.
Буюк Британия ва Маврикий Ҳинд океанидаги Чагос архипелагини суверенитети юзасидан келишув имзолади. Ушбу битим асосида Британия архипелаг устидан ўз суверенитетидан воз кечади, бироқ у ерда жойлашган стратегик ҳарбий база Диего-Гарцияни 99 йилга ижара асосида сақлаб қолади.
Диего-Гарция базаси АҚШ ҳарбий кучлари томонидан фаол фойдаланилади ва унинг йиллик ижара тўлови 100 миллион фунтдан ошади. Буюк Британия бош вазири Кир Стармер базанинг ниҳоятда муҳим стратегик аҳамиятга эга эканини таъкидлади.
Маълумот учун, 2019 йилда БМТнинг Халқаро суд органи Буюк Британияга Чагос оролларини Маврикийга қайтариш бўйича қарор чиқарган эди. Бу келишув халқаро ҳуқуқ меъёрларига мувофиқ ҳаракат сифатида баҳоланмоқда.
