G7 давлатлари Россияга қатъий огоҳлантириш берди
Украина бўйича ўт очишни тўхтатмаса,санкциялар кучайтирилади.
“Катта еттилик” (G7) давлатлари Россияни яна бир бор огоҳлантирди: агар у Украинадаги ҳарбий ҳаракатларни тўхтатмаса, унга қарши санкциялар кучайтирилади. Бу ҳақда 22 май куни эълон қилинган расмий баёнотга таяниб, The New York Times хабар бермоқда.
G7 вакилларининг таъкидлашича, улар Украинани ҳар томонлама қўллаб-қувватлашда давом этадилар ва Россияга нисбатан барча мумкин бўлган чораларни, хусусан, иқтисодий босимни кучайтиришни кўриб чиқишга тайёр.
Газетанинг ёзишича, учрашувда Россия нефтининг экспортига қўйилган нарх чегарасини янада қатъийлаштириш масаласи ҳам муҳокама қилинди.
Баёнотда шундай дейилади: “G7 давлатлари Украинанинг ҳудудий яхлитлиги, суверенитети ва мустақиллигини қўллаб-қувватлашда собит туради ҳамда адолатли ва барқарор тинчлик йўлида интилади”.
