Гарвард университетига хорижий талабаларни қабул қилиш тақиқланди
Энди хорижий талабалар бошқа ўқув муассасаларига ўтишлари керак бўлади.
Доналд Трамп маъмурияти Гарвард университетининг хорижий талабаларни қабул қилиш ҳуқуқини бекор қилди. Бу қарор университетнинг федерал назорат талабларига бўйсунмаслиги ва кампус сиёсатига оид низолар билан боғлиқ.
Homeland Security котиби Кристи Ноэмнинг баёнотига кўра, Гарвардда 6 800 га яқин хорижий талаба таҳсил олмоқда ва улар бошқа ўқув муассасаларига ўтишлари ёки АҚШни тарк этишлари керак бўлади. Университет бу қарорни ноқонуний деб атаб, хорижий талабаларни қўллаб-қувватлаш ва суд орқали қарорни бекор қилишга ҳаракат қилмоқда.
Бу қарор Трамп маъмуриятининг олий таълим муассасалари, хусусан, Гарвардга қарши босим кампаниясининг бир қисми бўлиб, университетнинг федерал маблағларини музлатиш ва солиқ имтиёзларини бекор қилиш таҳдидлари билан бирга амалга оширилмоқда.
