Европа мамлакатлари урушга тайёр туришга чақирилди
Нидерландияда Европадаги инқирозга тайёргарлик кучаймоқда.
Европа Иттифоқининг саккиз етакчи давлати, жумладан Нидерландия, Болтиқбўйи мамлакатлари, Финляндия, Швеция, Бельгия ва Люксембург, бугунги геосиёсий таҳдидлар фонида фуқароларнинг уруш ва табиий офатларга тайёргарлигини кучайтиришга чақирмоқда.
Брюсселда бўлиб ўтган учрашувда давлатлар вакиллари инқирозга қарши чидамлиликни ошириш, ягона огоҳлантириш тизимларини жорий этиш, стратегик захираларни тўплаш ва ҳимоя иншоотларини ривожлантириш бўйича режаларни муҳокама қилишди. Нидерландия Адлия вазири Девид ван Вилнинг сўзларига кўра, “бугунги мураккаб сиёсий муҳитда катта можаро эҳтимоли реал таҳдидга айланган”.
Расмийларга кўра, ҳарбий сценарийларга тайёргарлик кўриш табиий ва техноген офатларга жавобан имкониятларни автоматик равишда кучайтиради. Нидерландия аллақачон “фавқулодда ёрдам пунктлари” тизимини ишга туширган бўлиб, бу модель бутун Европа миқёсида татбиқ этилиши мумкин.
Иштирокчилар Европа Комиссиясини қитъани таҳдидлар бўйича тезкор баҳолаш ишларини бошлашга ундади. Шунингдек, улар баъзи давлатларнинг аҳоли орасида ваҳима тарқалишидан чўчиб, зарур тайёргарлик чораларини кўрмаётганини танқид қилди.
