Британия ва Канада Исроилга парвозларни тўхтатди
Мазкур чоралар парвоз хавфсизлигини сақлаш мақсадида қабул қилинган.
"British Airways" компанияси Исроилнинг Ben Gurion халқаро аэропортига парвозларни июль ойининг охиригача бекор қилишга қарор қилди. Ушбу қарор Яманнинг давом этаётган ҳаво блокадаси билан боғлиқ хавф туфайли қабул қилинди.
Худди шундай, Канада авиакомпанияси - "Air Canada" ҳам Исроилга рейсларни номаълум муддатга қолдирди. Компания парвозларни қайта тиклашни 2025 йил сентябрь ойигача кечиктирганини билдирди.
Мазкур чоралар сўнгги ҳафталарда минтақада кескинлашган ҳарбий ва сиёсий вазият ҳамда парвозлар хавфсизлигига таҳдидлар ортидан кўрилмоқда. Айни пайтда бошқа халқаро авиакомпаниялар ҳам Исроилга рейслар жадвалини қайта кўриб чиқмоқда.
