Гарварддаги хорижий талабалар кўчирилмайдиган бўлди
Аввалроқ университетда чет эллик талабалар ўқиши тақиқланганди.
Суд Гарвард университетининг хорижий талабаларни чеклаш ҳақидаги қарорини вақтинча бекор қилди.
АҚШ федерал суди Гарвард университетининг хорижий талабаларни қабул қилишига нисбатан Трамп маъмурияти жорий қилган тақиқни вақтинча тўхтатиш ҳақида қарор чиқарди. Бу қарор судда иш тўлиқ кўриб чиқилгунига қадар кучда бўлади.
Аввалроқ Гарвард университети бу тақиққа қарши Бостон федерал судига даъво аризаси топширган эди. Университет вакилларининг таъкидлашича, хорижий талабаларни четлаштириш АҚШ Конституциясининг Биринчи тузатмасига зид.
Эндиликда Гарвардда таҳсил олаётган 7 мингдан ортиқ хорижий талаба визасиз қолиш ёки депортация хавфисиз ўқишни давом эттириши мумкин бўлади.
