Россия армияси "уч карра бўғувчи ҳалқа" тактикасини қўлламоқда
Россия бу услубни баҳорда синаб кўрган.
Россия армияси Украина фронтида янги "уч карра бўғувчи ҳалқа" деб номланган тактикани қўлламоқда. Бу ҳақда Британиянинг Тҳе Телеграпҳ нашри хабар берди.
Ушбу тактикага кўра, аввал ерда ҳужум қилиниб, Украина Қуролли Кучлари жойида ушлаб турилади. Сўнгра дронлар ёрдамида орқага чекиниш йўллари ёпилади. Якунда эса аниқ мўлжалланган бошқарилувчи бомба зарбалари билан якуний ҳужум амалга оширилади.
Бу услуб Украинага оғир танловни юклайди — позицияларни тарк этмасдан оғир йўқотишларга учраш ёки ҳаракатда бўлиб, дрон ва бомба ҳужумларига нишон бўлиб қолиш.
Украина хавфсизлик ва ҳамкорлик маркази раҳбари Серҳии Кузаннинг айтишича, бу стратегия бутун Россия армияси томонидан қўлланмоқда ва “чарчатиш уруши” сифатида баҳоланмоқда. Россия бу услубни эрта баҳорда синаб кўрган бўлсада, охирги икки ойда фронт бўйлаб кенгайтирган.
Россиянинг ресурслар танқислиги ва кўплаб муваффақиятсиз ҳужумларига қарамай, у аскарлар захираси ва дронлар билан бошқариладиган бомбаларни тез ишлаб чиқариш имкониятига таянмоқда. Украина ҳарбийлари шу йил бошидан бери 1 159 та Россия танки ва 2 500 дан ортиқ зирҳли техникани йўқ қилганини билдирган.
