Францияда минглаб уйлар электрсиз қолди
Электр узилиши Канн кинофестивалига ҳам таъсир қилиши мумкин.
Франциянинг машҳур Канн шаҳри ва унинг атрофидаги ҳудудлар электр таъминотисиз қолди. BFMTV телеканалининг хабар беришича, бу узилиш Денгизбўйи Алп департаментидаги трансформатор подстанциясида юз берган ёнғин туфайли содир бўлган. Ҳодиса натижасида минглаб хонадонлар электрсиз қолган, шу жумладан, ҳозирда ўтказилаётган нуфузли Канн кинофестивали дастури ҳам вақтинча тўхтаб қолган.
Franceinfo'нинг маълумотларига кўра, бу ёнғин тасодифий эмас, балки атайлаб қилинган саботаж ҳаракати бўлиши мумкин. Тергов ишлари давом этмоқда.
Шунга қарамай, режалаштирилган кинофестивалнинг ёпилиш маросими бекор қилинмайди. Вариетй нашри хабарига кўра, Феситвал ва Конгресслар саройи захира электр манбайи орқали таъминланиб, тадбир белгиланган вақтда ўтказилиши кутилмоқда.
