Украинага дронларга қарши эски тўрлар юборилди
Тўрлар илгари балиқчиликда ишлатилган.
Швеция ва Дания Украинага Россия дронларидан ҳимоя қилиш мақсадида фойдаланилган эски балиқ тўрларини топширди. Замонавий дронлар урушда арзон ва кўп мақсадли қурол сифатида кенг қўлланмоқда, уларга қарши курашиш эса мураккаб.
Yle нашрининг ёзишича, Украина бу муаммони ноодатий йўл билан ҳал қилмоқда — душман дронларини тўхтатиш учун айнан эски тўрлардан фойдаланилмоқда. Улар осмон орқали учаётган дронларни тўрга илинтириб, йўқ қилишда ёрдам бермоқда.
Маълумотларга кўра, Дания Украинага 2,5 миллион евро қийматидаги тўрларни етказиб берган. Бу тўрлар илгари Дания балиқчилари томонидан ишлатилган бўлиб, Британия Евроиттифоқдан чиққач, уларнинг аксарияти энди фойдасиз бўлиб қолган эди.
