TikTok АҚШда ходимларни қисқартиришни бошлади
Аввалроқ TikTok Shop АҚШдаги ходимларини оммавий бўшатган эди.
TikTok ўзининг электрон тижорат бўлимида қатор ташкилий ўзгаришлар доирасида АҚШдаги ходимларни ишдан бўшатишни бошлади. Бу жараён компаниянинг йирик брендлар билан ишловчи глобал мижозлар бўлинмаси ходимларига бевосита таъсир қилмоқда.
TikTok электрон тижорат раҳбари Му Қинг томонидан юборилган ҳужжатда, ўзгаришлар “жамоанинг узоқ муддатли ўсишини таъминлаш учун операцион моделни қайта кўриб чиқиш” асосида амалга оширилаётгани айтилган.
Ходимлар чоршанба куни эрталабдан ишдан бўшатилгани ҳақида хабар олган. Айримларига икки ойлик маъмурий таътил ва компанияда ишлаган йилларига қараб компенсация пакетлари таклиф этилган. Ҳозирча ишдан бўшатилганлар сони расман эълон қилинмаган.
Бу қисқартиришлар TikTok'нинг АҚШдаги электрон тижорат сегментида иқтисодий ноаниқлик ва бозор секинлашуви фонида амалга оширилмоқда. Хусусан, Трамп маъмуриятининг янги бож сиёсатлари бу ҳолатга таъсир қилган.
Аввалроқ, апрель ойида TikTok Shop раҳбарияти ҳам қисқартиришга учраган эди.
