Японияда кўк йўтал билан касалланиш ҳолатлари кескин ошмоқда
Японияда бир ҳафтада 2,299 киши кўк йўталга чалинган.
Японияда кўк йўтал (бўғма йўтал) билан касалланиш ҳолатлари жиддий даражада кўпаймоқда.
2024 йил бошидан бери мамлакат бўйлаб ушбу юқумли касаллик билан 19,300 дан ортиқ ҳолат қайд этилган бўлиб, бу 2019 йилдаги кўрсаткичдан қарийб 2,400 тага кўпдир.
Сўнгги ҳафтада, яъни 12–18 май кунлари, кўк йўтал билан касалланганлар сони 2,299 кишини ташкил этди. Бу аввалги ҳафтадаги кўрсаткичдан 507 тага кўпроқ.
Инфекция ҳолатлари энг кўп Ҳёго, Чиба, Ниигата ва Фукуока префектураларида, шунингдек, пойтахт Токио шаҳрида қайд этилган.
Мутахассислар ота-оналарни болаларни эмлаш бўйича белгиланган жадвалга амал қилишга ва профилактик чораларни кучайтиришга чақирмоқда.
