АҚШда талаба визасини олиш қийинлашмоқда
Талаба визаси олиш учун энди ижтимоий тармоқлар ҳам текширилади.
АҚШ президенти Доналд Трамп маъмурияти талаба визаси бўйича янги суҳбатларни тўхтатди.
Трамп бошчилигидаги маъмурият халқаро талабалар учун визаларни расмийлаштириш жараёнида янги чораларни жорий қилмоқда. Политисо нашри берган маълумотларга кўра, бу ўзгаришлар абитуриентларнинг ижтимоий тармоқлардаги фаоллигини мажбурий текшириш тартиби билан боғлиқ.
Янги тартибга кўра, Қўшма Штатларда таҳсил олиш истагини билдирган хорижий номзодлардан ижтимоий тармоқлардаги аккаунтлари орқали қўшимча хавфсизлик текширувларидан ўтиш талаб қилинади. Мутахассисларнинг таъкидлашича, бу ҳолат визаларни бериш жараёнининг сезиларли даражада кечикишига олиб келиши мумкин.
