Британияда кам учрайдиган саратон туфайли аёлнинг айрим органлари олиб ташланди
Заҳарланиш ортидан 13 та органидан айрилган аёл ҳаёт учун курашмоқда.
Британиялик аёлнинг овқатдан заҳарланганидан кейин 13 та органи олиб ташланди.
Ребекка Ҳинд корпоратив кечки овқатдан сўнг ўзини ёмон ҳис қила бошлаган. Ҳамкасблари тезда соғайиб кетган бўлсада, Ребекканинг ҳолати ёмонлашишда давом этган. Шифокорлар томонидан ўтказилган текширувлар унинг танасида камёб ва хавфли касаллик – псевдомиксома перитонеи аниқлашган.
Бу кам учрайдиган саратон тури қорин бўшлиғида шиллиқ ва ўсимта ҳужайраларининг тўпланишига олиб келади. Касаллик органларга тарқалиб, Ребекка ҳаёти учун икки мураккаб жарроҳлик амалиётини ўтказишига сабаб бўлди. Натижада, 13 та орган ва тана қисмлари – жумладан тухумдонлар, бачадон, йўғон ичак ва бошқа муҳим аъзолар олиб ташланган.
Ребекка кунига 60 тагача дори қабул қилади ва ҳаётни қўллаб-қувватловчи HIPEC протседурасини (қорин бўшлиғига тўғридан-тўғри иссиқ кимётерапия юбориш) бошдан кечирган. Саккизта кимётерапиядан сўнг ҳам у даволаб бўлмайдиган ташхис билан яшамоқда.
Шунга қарамай, 40 ёшли Ребекка курашни давом эттирмоқда: у ҳаёт сифатини оширишга ҳаракат қилмоқда, экстремал машғулотларда қатнашмоқда ва Pseudomyxoma Survivor жамғармаси орқали хабардорликни ошириш учун 90 км велосипед пойгасида иштирок этди.
“Мен имкон қадар оддий ҳаёт кечиришга ҳаракат қиламан. Мен парашютдан сакрадим, иссиқ ҳаво шарида учдим, ит чаналарини синаб кўрдим. Ҳаёт ҳали тугамаган”, – дейди у.
