Германиядаги қочқинлар сони 3,5 миллионга етди
Уларнинг учдан бир қисми украиналиклар.
Германияда қочқинлар сони 3,5 миллион кишига етди. Улардан деярли ҳар учинчи киши — Украина фуқароси. Бу ҳақда Федерал ҳукумат Бундестагдаги чап партия фракцияси маълумот берган.
Маълумотларга кўра, 2024 йил давомида Германияда рўйхатдан ўтган қочқинлар сони айнан шунча бўлган. Чап қанот депутати Клара Бунгернинг айтишича, ўтган йили мамлакатга 124 мингга яқин қочқин келган, уларнинг 108 минг нафари украиналиклар бўлган. Умуман олганда, Германияда ҳозир 1,2 миллионга яқин украиналик қочқин мақомида яшамоқда.
Германиядаги қочқинларнинг тахминан 710 минг нафари Женева конвенцияси асосида ҳимояда. 43 минг киши эса расман бошпана олиш ҳуқуқига эга деб тан олинган. Шунингдек, 197 минг кишини, жумладан Афғонистондан келган 130 мингга яқин кишини депортация қилиш тақиқланган.
Расмий маълумотларга кўра, 200 мингга яқин одам Германияни тарк этиши керак, аммо уларнинг 178 минг нафари ҳозирча вақтинча мамлакатда қолмоқда.
Мутахассислар фикрига кўра, Германиянинг қочқинлар сиёсатини қайта кўриб чиқиш зарурати ортиб бормоқда, чунки ижтимоий инфратузилма ва қабул марказлари катта босим остида қолмоқда.
