Сурия 20 миллион доллар жаримага тортилди
Бунга АҚШ фуқаросини қийноққа солгани сабаб бўлган.
Сурия ҳукумати АҚШ фуқароси Сам Гудвинни қийноққа солгани ва ноқонуний ушлаб тургани учун 20 миллион доллардан ортиқ товон пули тўлашга мажбур бўлди.
Вашингтондаги Округ суди судьяси Коллегин Коллар-Котелли жабрланувчига 20,201,620 доллар миқдорида компенсация тўлаш ҳақида қарор чиқарди. Сумманинг ярми зарарларни қоплашга, қолган қисми эса товон сифатида ажратилади. Маблағнинг бир қисми АҚШнинг “Давлат ҳомийлигидаги терроризм қурбонлари жамғармаси” орқали тўланади.
Гудвин 63 кун давомида Суриядаги Бранч 215 деб аталадиган махсус қамоқда ушлаб турилган ва аёвсиз қийноқларга дучор бўлган. Уни озод қилишда АҚШ ҳукумат органлари, Ливан расмийси генерал Аббос Иброҳим ҳамда халқаро ташкилотлар иштирок этган. Гудвин бу суд қарорини инсон ҳуқуқлари учун кураш деб атади.
