Трамп бож сиёсати АҚШга миллиардлаб даромад олиб келди
АҚШ тарифлардан 60 миллиард долларгача фойда кўрди.
АҚШ президенти Доналд Трамп томонидан амалга оширилган протекционистик савдо сиёсати мамлакат бюджетига камида 50 миллиард доллар даромад олиб келди. Бу ҳақда Оқ уйнинг Миллий иқтисодий кенгаши раҳбари Кевин Хассет маълум қилди.
"Тарифлар кучга кирганидан бери биз 50-60 миллиард доллар атрофида божхона даромадларини йиғдик. Бу сиёсат биз кутган натижани берди", — деди Ҳассет Фох Невс телеканалига берган интервьюсида.
Унинг айтишича, 28 май куни АҚШ Халқаро Савдо суди Трампнинг тариф сиёсатини вақтинча тўхтатганига қарамай, бу маъмурият учун янги имкониятлар эшигини очмоқда: “Апелляция суди қарори бизга қўшимча вақт берди, бу эса бир қатор муҳим савдо битимларини якунлашга ёрдам беради”.
Маълумот учун, Трамп даврида жорий этилган бож сиёсати хорижий маҳсулотларга нисбатан юқори тарифлар қўллаш орқали АҚШ ички бозорини қўллаб-қувватлашни мақсад қилган эди. Бу сиёсат айниқса Хитой, Европа Иттифоқи ва Мексика билан савдо муносабатларига таъсир кўрсатган.
