Францияда болалар бор жойларда чекиш тақиқланади
Қоидани бузганларга 135 евро жарима солинади.
1 июлдан бошлаб Францияда болалар бўлиши мумкин бўлган барча жамоат жойларида тамаки чекишга тақиқ жорий қилинади. Бу ҳақда мамлакат соғлиқни сақлаш ва оила вазири Катрин Вотрин баёнот берди.
Янги қоидаларга кўра, пляжлар, боғлар, мактаблар атрофидаги ҳудудлар, автобус бекатлари ва спорт майдончаларида тамаки маҳсулотлари истеъмол қилганлар 135 евро жарима тўлашади.
Бироқ барлар ва кафеларнинг очиқ террасаларида чекишга рухсат сақланиб қолади. Бу чора болаларни пассив чекишдан ҳимоя қилиш мақсадида кўрилмоқда.
