PSJ ғалабасидан сўнг Парижда катта тартибсизликлар бошланди
Ҳодиса оқибатида 2 киши ҳалок бўлган, 500 дан ортиқ одам қўлга олинган.
Франциянинг "PSJ" футбол клуби UEFA Чемпионлар Лигаси ғалабасини нишонлаётган пайтда Париж ва мамлакатнинг бошқа ҳудудларида тартибсизликлар юз берди. ТФ1 телеканалининг хабар беришича, тўқнашувлар натижасида 2 киши ҳалок бўлган, 192 киши тан жароҳати олган.
Париж кўчаларида юзага келган бетартибликлар давомида юзлаб машиналар ва дўконларга зарар етказилган. Полиция томонидан берилган маълумотга кўра, 500 дан ортиқ шахс қўлга олинган.
Ҳокимият вакиллари вазиятни назоратга олишга ҳаракат қилган бўлсада, баъзи ҳудудларда норозилик ва ҳуқуқбузарликлар тун давомида давом этган. Расмийлар бундай ҳолатларни кескин қоралаб, хавфсизлик чораларини кучайтиришга ваъда бермоқда.
