Қирғизистон Президенти футбол турнирида иштирок этди
Жапаров турнирнинг “Энг яхши ҳужумчи”си бўлди.
31 май куни Қирғизистон пойтахти Бишкек шаҳрида Президент Садир Жапаров иштирокида футбол бўйича "Мурас" турнири бошланди. Турнир 31 майдан 1 июнгача ФОК "Газпром" спорт мажмуаси ҳамда Қирғизистон Футбол иттифоқининг Миллий футбол академияси майдонларида ўтказилди.
Президент Жапаров турнирда фаол иштирок этиб, 7 та гол уришга эришди ва “Энг яхши ҳужумчи” номинациясига лойиқ деб топилди. У мазкур мукофотни «Ийман» жамоасига топширди.
Турнирда Қирғизистоннинг турли давлат идоралари вакиллари ва амалдорлар жамоалари қатнашган. Мусобақа мамлакатда соғлом турмуш тарзини тарғиб қилиш ва спортга бўлган эътиборни кучайтириш мақсадида ташкил этилган.
