Билл Гейтс Африкага миллиардлаб доллар сармоя киритади
Гейтс жамғармаси 2045 йилгача Африка учун 200 миллиард доллар ажратади.
Мисрософт асосчиси ва хайриячи Билл Гейтс яқин 20 йил ичида ўз бойлигининг асосий қисмини Африкадаги муаммоларни ҳал этишга йўналтиришини маълум қилди. Бу ҳақда у Африка Иттифоқининг штаб-квартирасида қилган чиқиши давомида маълум қилган.
“Мен яқинда бойлигим қандай тақсимланишини режалаштирдим. Асосий эътибор Африкадаги соғлиқни сақлаш, таълим ва озиқ-овқат хавфсизлиги каби долзарб муаммоларга қаратилади. Ушбу маблағлар Билл ва Мелинда Гейтс жамғармаси орқали йўналтирилади,” — деди Гейтс.
Унинг сўзларига кўра, жамғарма 2045 йилгача турли лойиҳалар учун 200 миллиард доллар ажратади.
Эслатиб ўтамиз, Билл Гейтснинг ҳозирги шахсий бойлиги 175 миллиард долларга баҳоланмоқда.
