Гарвард университети Трамп маъмуриятини судга берди
Гарвард суд орқали илмий молиялаштиришни ҳимоя қилмоқчи.
Гарвард университети АҚШ маъмуриятининг илмий тадқиқотлар учун ажратилган 2,5 миллиард долларлик маблағни музлатишига қарши судга мурожаат қилди.
Судга тақдим этилган даъво аризасида айтилишича, 2024 йил 14 апрелдан бери университет АҚШ маъмуриятидан 957 та молиялаштиришни тўхтатиш ҳақидаги буюртма олган. Бу маблағлар онкология, юқумли касалликлар ва миллий хавфсизлик соҳасидаги муҳим тадқиқотларни молиялаш учун мўлжалланган эди.
Гарвард вакилларининг билдиришича, бу чекловлар университетнинг Оқ уй томонидан илгари сурилган айрим сиёсий талабларни рад этгани билан боғлиқ.
Трамп маъмурияти илгари Гарвард ва бошқа йирик университетларни Ғазо секторидаги ҳарбий ҳаракатларга қарши чиққан талабалар фонида яҳудий талабалар хавфсизлигини таъминлай олмаганликда танқид қилган эди.
Университет суддан маблағларни музлатишга доир буйруқларни тўхтатишни сўраб, соғлиқни сақлаш ва хавфсизлик соҳасидаги илмий изланишларга зарар етмаслигини таъминлашни талаб қилмоқда.
