0
Ҳиндистон аэропортида чамадондан 47 та заҳарли илон чиқди
Ҳодиса божхона ходимлари багажни текшираётган вақтида аниқланган.
Мумбай халқаро аэропортида Таиланддан келган йўловчининг чамадонидан 47 дона заҳарли илон топилди. Маҳаллий нашрларнинг ёзишича, божхона ходимлари багажни текшириш чоғида даҳшатли вазиятга дуч келишган.
Шунингдек, йўловчи осиё тошбақасини ҳам самолётда олиб юргани аниқланган. Парвоз давомида илонлардан бири нобуд бўлган. Эркакнинг шахси ҳозирча ошкор қилинмади.
Мазкур ҳолат юзасидан Ҳиндистон божхона хизмати томонидан ҳайвонларни ноқонуний олиб ўтиш бўйича жиноий иш қўзғатилди. Тергов ҳаракатлари олиб борилмоқда.
