Исроил Ғазонинг гуманитар ёрдам тарқатиш пунктига ҳужум қилди
Ҳужум оқибатида камида 19 фаластинлик ҳалок бўлди.
Исроил қўшинларининг Ғазо секторидаги гуманитар ёрдам тарқатиш пунктига уюштирган ҳужуми оқибатида камида 19 нафар фаластинлик ҳалок бўлди. Бу ҳақда Al Jazeera маҳаллий тиббиёт манбаларига таяниб хабар бермоқда.
Хабарларга кўра, Рафаҳ шаҳрининг ғарбий қисмида ёрдам кутаётган фуқаролар ўққа тутилган. Ғазо Соғлиқни сақлаш вазирлиги маълум қилишича, май ойи охиридан бери Исроилнинг шунга ўхшаш ҳужумлари натижасида умумий ҳисобда 75 киши вафот этган, 400 дан ортиқ инсон эса жароҳат олган.
Ҳужум халқаро ҳамжамият орасида жиддий танқидга сабаб бўлмоқда. Маҳаллий ва халқаро ташкилотлар инсонпарварлик ҳуқуқлари бузилаётганини таъкидламоқда.
