АҚШда IT мутахассислари орасида ишсизлик кўпаймоқда
Уларда ишсизлик даражаси гуманитар йўналишдагиларга нисбатан икки баравар юқори.
АҚШдаги сўнгги статистик маълумотларга кўра, IT соҳасини тамомлаган битирувчилар орасида ишсизлик даражаси гуманитар йўналиш битирувчиларига нисбатан юқорироқ. Маълумотларга кўра:
Компьютер муҳандислари орасида ишсизлик даражаси — 7,5%,
IT мутахассислари — 6,1%,
Санъатшунослар — 3%,
Парҳез мутахассислари — 0,4%.
Мутахассислар бу ўзгаришни сунъий интеллектнинг ривожланиши билан боғлашмоқда. Яқин йилларда техник соҳаларда автоматлаштириш кучайган, бу эса анъанавий IT лавозимларига эҳтиёжни камайтирган. Бошқа томондан, иш берувчилар орасида ижодий фикрлаш, шахсий ёндашув ва коммуникацион кўникмаларга эга бўлган гуманитар соҳага оид мутахассисларга бўлган талаб ортиб бормоқда.
