Болгария еврога ўтишга тайёрланмоқда

 

Болгария 2026 йил 1 январдан бошлаб расмий равишда евро валютасига ўтади. Европа Комиссияси ва Европа Марказий банки (ЭСБ) мамлакатнинг барча зарурий иқтисодий мезонларга жавоб беришини тасдиқлади. Шу тариқа Болгария Евроҳудудга қўшилаётган Европа Иттифоқининг 21-аъзо давлати бўлади.

 

Маълумотларга кўра, Болгария евро зонасига кириш учун инфляция, давлат қарзи, бюджет тақчиллиги ва узоқ муддатли фоиз ставкалари бўйича белгиланган мезонларни муваффақиятли бажарган.

 

Хусусан, 2024 йил апрель ойидаги маълумотларга кўра, Болгарияда инфляция даражаси 2,8 фоизни ташкил этган бўлиб, бу Франция (0,9 фоиз), Кипр (1,4 фоиз) ва Дания (1,5 фоиз) каби энг паст инфляцияга эга давлатлар кўрсаткичларидан 1,5 фоиз пунктдан ортиқ бўлмаган чегарага тўғри келади.

 

Молия соҳасида ҳам ижобий ҳолат кузатилмоқда. Болгариянинг бюджет тақчиллиги 2024 йилда 3,0 фоиз, 2025 йилда эса 2,8 фоиз бўлиши кутилмоқда. Бу Европа Иттифоқи талаб қилган максимал 3 фоизлик даражага мос келади. Мамлакатнинг давлат қарзи эса ЯИМга нисбатан 2024 йилда 24,1 фоиз, 2025 йилда эса 25,1 фоиз бўлиши кутилмоқда — бу эса максимал 60 фоиз чегарадан анча паст.

 

Болгария 2007 йилда Европа Иттифоқига аъзо бўлганидан буён еврога ўтишга интилиб келмоқда. Бироқ, Эуробарометр томонидан ўтказилган сўров натижаларига кўра, болгарларнинг 50 фоизи бу жараёнга нархлар ошишидан хавотирланиб, эҳтиёткорлик билан қарамоқда.