Эминем Meta компанияси устидан даъво қўзғатди
У муаллифлик ҳуқуқлари учун 109 миллион доллар талаб қилмоқда.
Машҳур америкалик репер Эминемнинг мусиқий нашриёти — Eight Mile Style технология гиганти Meta Платформс устидан судга даъво аризаси киритди. Компания Фасебоок, Инстаграм ва ВҳатсАпп платформаларида муаллифлик ҳуқуқи доимий равишда бузилаётганини даъво қилиб, 109 миллион доллардан ортиқ товон пули талаб қилмоқда.
Даъво аризасига кўра, Meta ўз платформаларида Эминемнинг 243 та трекини лицензиясиз сақлаган, нусхалаган ва тижорат мақсадларида фойдаланган. Айниқса, Original Audio ва Reels функциялари фойдаланувчиларга репернинг мусиқасидан ҳеч қандай рухсат ёки кредитларсиз фойдаланишга имкон бераётгани, ҳаттоки бундай амалиётларни рағбатлантираётгани таъкидланмоқда.
Эминем (ҳақиқий исми — Marshall Bryus Mathers III) мусиқий фаолияти давомида 220 миллиондан ортиқ альбом сотган, 15 маротаба Граммй совринини қўлга киритган ва The Marshall Mathers LP альбоми АҚШ тарихидаги энг тез сотилган рап альбомларидан биридир.
Eight Mile Style компанияси 243 трекнинг ҳар бири учун 150 000 АҚШ доллари, жами 109 350 000 доллар миқдорида максимал қонуний товон пули талаб қилмоқда. Уларнинг айтишича, бу миқдор ноқонуний фойдаланганлик, йўқотилган даромад ва ҳуқуқбузарликдан кўрилган зарар билан боғлиқ.
Бу Эминемнинг муаллифлик ҳуқуқлари учун курашдаги илк ҳолати эмас. 2019 йилда ҳам Eight Mile Style Spotify’ни судга берган ва компанияни Мусиқа лицензиясини модернизация қилиш тўғрисидаги қонунни бузганликда айблаган эди.
