Германияда 40 минг тонналик кўприк илк бор ҳаракатлантирилди
А45 йўли орқали ҳар куни 60 мингта машина ўтади.
Германияда оғирлиги 40 минг тонна бўлган кўприк илк марта гидравлика ёрдамида ҳаракатга келтирилди. А45 автомагистрали устидаги Рҳинсдорф водийси кўпригининг олтита устуни икки сантиметр кўтарилди ва орасига махсус сирпанадиган тефлон плиталар қўйилди.
Муҳандислар катта гидравлик пресслар ва мойлаш воситалари ёрдамида бу улкан иншоотни аниқ ҳаракатлантиришди. Бу иш кўприкнинг янги қурилган қисми устида бажарилди.
Бу технология Германияда биринчи бор қўлланилди. Мутахассисларнинг айтишича, у бошқа эски кўприкларни ҳам тез ва арзон таъмирлашга ёрдам беради. А45 йўли орқали ҳар куни 60 мингта машина ўтади.
