Трампнинг набирасига “куёв”келди
Куёв кечқурун девордан ошиб ўтган.
АҚШнинг Флорида штатида жойлашган президент Доналд Трампга тегишли Мар-а-Лаго мулкида ноодатий воқеа юз берди. 2025 йил 3 июнь куни кечаси Энтони Реес исмли эркак ушбу ҳашаматли қароргоҳ ҳудудига ноқонуний равишда кирган.
Маҳаллий полиция маълумотларига кўра, Реес мулк атрофини ўраб турган хавфсизлик деворидан ошиб ўтган. Сўроқ пайтида у бу ишни онгли равишда бажарганини айтган ва Мар-а-Лаго қароргоҳига келишидан мақсади — Инжил таълимотини тарғиб қилиш ва Доналд Трампнинг 18 ёшли набираси Кай Трампга уйланиш бўлганини билдирган.
Воқеа жойида қўлга олинган эркак ҳеч қандай қаршилик кўрсатмаган. Ҳозирда у тергов остида бўлиб, қонуний жазо берилиши кутилмоқда. Мулк атрофидаги хавфсизлик чоралари эса кучайтирилган.
Маълумот учун, Кай Трамп — Доналд Трампнинг ўғли Доналд Трамп Jr.ning қизи ҳисобланади.
