Туркиядаги Қоратепа-Арслонтош ёзувлари ЮНEСКОга киритилди
Ёзувлар 2800 йиллик тарихга эга.
Туркиянинг жанубий Османия вилоятидаги Қоратепа-Арслонтош очиқ осмон музейидаги қадимий икки тилли ёзувлар ЮНEСКОнинг Жаҳон хотираси реэстрига киритилди. Ушбу ёзувлар 2800 йиллик бўлиб, Финикия ва Лувий тилларида ёзилган энг узун матнлардан бири ҳисобланади. Бу ёзувлар замонавий алифболарнинг ривожланишида муҳим роль ўйнаган.
Қоратепа-Арслонтош ўзининг тарихий аҳамияти билан бирга, нео-хетт даврининг ижтимоий ва сиёсий ҳаётига доир ноёб маълумотларни сақлаб қолган. Ушбу археологик ёдгорлик 2020 йилда ЮНEСКО Бутунжаҳон мероси рўйхатига ҳам киритилган. Музейда ёдгорликлар билан бирга, табиий гўзалликлар ҳам сақланиб қолган.
1950 йилларда таниқли археолог Ҳалет Чамбел томонидан олиб борилган консервация ишлари орқали Қоратепа-Арслонтошдаги ҳайкаллар ва ёзувлар яхши сақланган. Бугунги кунда бу жой тарих, маданият ва табиатни бирлаштирган ноёб сайёҳлик маскани сифатида катта қизиқиш уйғотмоқда.
