Маск энди америкаликларнинг махфий маълумотларини кўриши мумкин

АҚШ Олий суди Илон Маск асос солган Ҳукумат самарадорлиги департаменти (DOGE)га миллионлаб фуқароларнинг шахсий маълумотларига киришга рухсат берди. Ушбу қарор консерватив судьялар томонидан қўллаб-қувватланди, либерал судьялар эса фуқаролар хавфсизлигига таҳдид мавжудлигини таъкидлаб қарши чиқди.

 

DOGE рухсат олган маълумотлар ичида ижтимоий суғурта рақамлари, банк ҳисоблари, яшаш манзиллари, пенсия ва соғлиқ билан боғлиқ махфий ҳужжатлар мавжуд. Қуйи судда бу ваколатлар кескин танқид қилинган бўлсада, Олий суд эътирозларни рад этди.

 

Доналд Трамп томонидан ташкил этилган DOGE давлат харажатларини қисқартиришни мақсад қилган махсус агентлик бўлиб, ҳозирда бевосита федерал ҳукуматга бўйсунади. Маск бу лойиҳани бошлаб берган, бироқ ҳозир эътиборини Тесла ва бошқа хусусий лойиҳаларга қаратган.