Японияда арзон гуруч учун навбатлар юзага келди
Гуруч нархи бир йил ичида икки баравар ошган.
Японияда ҳосилнинг камайиши натижасида гуруч танқислиги юзага келди. Бу эса маҳсулот нархининг кескин — икки баравар ошишига сабаб бўлди. Натижада аҳолининг кўплаб вакиллари арзон гуруч сотиладиган дўконлар олдида соатлаб навбатларда туришга мажбур бўлмоқда.
Мутахассислар буни иқлим ўзгариши ва қишлоқ хўжалигидаги муаммолар билан боғламоқда. Мамлакатда гуруч асосий озиқ-овқат маҳсулотларидан бири саналади, шунинг учун унинг нархи бевосита аҳолининг кундалик турмушига таъсир кўрсатмоқда.
Япония ҳукумати вазиятни барқарорлаштириш мақсадида гуруч импорти учун белгиланган божхона чекловларини юмшатиш чораларини кўрмоқда. Хусусан, йиллик 100 тонналик импорт лимити оширилиши режалаштирилмоқда.
