Афғонистон сув инқирозига юз тутмоқда
Кобул сув танқислигидан азият чекаётган дунёдаги биринчи замонавий шаҳар бўлиши мумкин.
Афғонистон пойтахти Кобул жадал урбанизация ва иқлим ўзгариши оқибатида ичимлик суви танқислиги бўйича жиддий инқироз ёқасига келиб қолди. Маълум қилинишича, Кобул яқин орада сув захиралари тугайдиган илк замонавий шаҳар бўлиши мумкин.
Сўнгги ўн йил ичида шаҳарнинг ерости сувлари сатҳи 30 метрга пасайган. Бу ҳолат Кобулдаги қудуқларнинг ярмидан кўпининг қуриб қолишига олиб келган. Шаҳар аҳолиси сони 7 миллиондан ошган бир пайтда сув таъминотидаги бу каби муаммолар жиддий экологик ва гуманитар хавф туғдирмоқда.
Тадқиқотларга кўра, ҳозирги вақтда сув олинадиган ҳажм ерости сувларининг табиий йўл билан тўлдирилиш суръатидан анча юқори. Мерсй Сорпс ташкилотининг Афғонистон бўлими раҳбари Дейн Карри бу инқирозга зудлик билан халқаро эътибор қаратилишини таъкидлаб, акс ҳолда Афғонистонда миграция кучайиши ва аҳолининг ҳаёти янада оғирлашишини айтган.
