Илон Маск ўз обрўсини ўзи бузаётганини айтди
Илон Маск Трампни танқид қилди.
Х ижтимоий тармоғи асосчиси ва тадбиркор Илон Маск ўз обрўсига ўзи зарар етказаётганини истеҳзо билан таъкидлади.
"Менинг обрўйимни бузишга қанча уринишлар бўлганлиги ҳайратланарли, айниқса мен томондан", — деб ёзди Маск ўзининг саҳифасида.
Мазкур ҳазил аралаш изоҳ Маск ва АҚШ президенти Доналд Трамп ўртасида юзага келган кескин тортишувлар фонида билдирилган. Илон Маск Оқ Уй иқтисодий сиёсатини кескин танқид қилиб, ҳатто Трампга нисбатан импичмент ғоясини ҳам илгари сурган.
Бунга жавобан, Трамп Маскни масъулиятсизликда айблаб, унинг компаниялари билан тузилган давлат шартномаларини бекор қилиш билан таҳдид қилган. Шунингдек, у Маскни "ақлдан озган" деб атаб, президентлик қонун лойиҳаларини танқид қилгани учун ундан чуқур ҳафсаласи пир бўлганини билдирган.
Маск эса бунга жавобан у бўлмаганида Трамп сайловда ғалаба қозона олмаслигини айтиб, президентни ношукурликда айблади:
"Демократлар Вакиллар Палатасини назорат қилганида, республикачилар Сенатда 51-49 устунликка эга бўлган бўлар эди".
Бундан ташқари, Маск Трампни таниқли молиячи Жеффри Эпштейн билан алоқадорликда айблаб, у вояга етмаганлар савдоси ва жинсий эксплуатацияда гумон қилинаётган ишлар доирасида Трампни танқид қилди.
