Илон Маск ва АҚШ молия вазири муштлашиб кетди
Можаро ички даромадлар бўйича янги комиссар сабаб келиб чиқган.
Америкалик миллиардер Илон Маск АҚШ молия вазири Скотт Бессент билан Оқ уйда муштлашиб кетди. Можаро ички даромадлар бўйича янги комиссар тайинланиши юзасидан келиб чиққан, дея хабар бермоқда The Washington Post.
Бессент Маскни давлат харажатларини $1 триллионга қисқартириш ваъдаси учун "фирибгар" деб атаган. Жавобан, Маск вазирни елка билан туртган, Бессент эса унинг юзига урган ва жанжал бошланган. Оқ уй ходимлари уларни ажратиб, Маскни куч билан чиқариб юборган.
Бу воқеа Доналд Трампни ранжитгани айтилмоқда. Маскнинг юзидаги шиш Трамп билан бўлган матбуот анжуманида кўзга ташланган. У эса ҳазил тариқасида буни ўғли билан ўйнаб жароҳат олганини айтган.
