Исроил Ғазога кетаётган кемани тўхтатиб қолди
Кемада швециялик фаол Грета Тунберг ҳам бўлган.
Исроил ҳарбий-денгиз кучлари швециялик фаол Грета Тунберг иштирокида бўлган "Мадлин" кемасини Ғазо секторига йўл олган пайтда тўхтатиб, Исроил қирғоқларига юборди. Бу ҳақида мамлакат Ташқи ишлар вазирлиги маълум қилди.
Баёнотга кўра, кемадаги фаоллар ва гуманитар юкга зарар етказилмаган ҳолда ушланган. Йўловчилар депортация қилиниши кутилмоқда, ёрдам эса расмий каналлар орқали Ғазога жўнатилади.
Мазкур ҳаракат Исроилнинг денгиз блокадасини бузишга қарши қатъий сиёсати доирасида амалга оширилди. “Озодлик флотилияси” коалицияси кема халқаро ҳужумга учраганини билдирган.
