Ҳиндистонда ҳаракатдаги поэзддан 6 киши тушиб кетди
Улар воқеа жойида ҳалок бўлган.
Ҳиндистоннинг Махараштра штатида ҳаракатдаги поэзддан тушиб кетган 6 киши ҳалок бўлди, яна 6 киши жароҳат олди. Бу ҳақда The Indian Express газетаси полицияга таяниб хабар берди.
Воқеа Мумбайдан Лахнаога кетаётган Pushpak Express поэзди DIVA ва Копар станциялари оралиғида содир бўлган. Поэзд ҳаддан ташқари гавжум бўлган, ҳатто одамлар вагон эшикларига осилиб кетаётган бўлган.
Жабрланганларнинг барчаси шифохонага етказилган, ҳалок бўлганлар 30–35 ёш оралиғидаги фуқаролар экани айтилмоқда. Темирйўл вазирлиги транспорт тизимидаги юклама ва камчиликларни тан олиб, Мумбай атрофидаги поэздлар автоматик ёпиладиган эшиклар билан жиҳозланишини маълум қилди.
