Ҳиндистонда интернет ўчирилди
Давлатда этник можаролар кучаймоқда.
Ҳиндистоннинг Манипур штатида этник норози намойишлар ортидан ҳукумат айрим ҳудудларда комендантлик соати жорий этиб, интернет алоқасини беш кунга тўхтатди.
Намойишлар 8 июнь куни полиция радикал Меитеи гуруҳи “Арамбаи Тенггол”нинг беш етакчисини, жумладан раҳбари Асем Канан Сингҳни ҳибсга олганидан сўнг бошланган. Улар 2023 йилда содир бўлган зўравонликларга алоқадорликда гумон қилинмоқда.
Манипурда 2023 йилдан бери Меитеи ва Куки этник гуруҳлари ўртасида ер ва ҳокимият учун тўқнашувлар давом этмоқда. Можаролар оқибатида 250 дан ортиқ одам ҳалок бўлган, ўн минглаб киши уйини тарк этган.
Намойишчилар ҳибсдагиларни озод қилишни талаб қилиб, полиция постларига ҳужум қилган. Ҳукумат 5 туманда интернетни ўчирганган, 1 штатда эса номаълум муддатга комендантлик соати эълон қилинган. Тўрт кишидан ортиқ йиғилишлар ҳам тақиқланган.
