OpenAI'нинг йиллик даромади рекорд даражага етди
OpenAI'нинг доимий даромади 10 миллиард доллардан ошди.
OpenAI компаниясининг йиллик доимий даромади — яъни обуналар, дастурий таъминот шартномалари ва бошқа барқарор тушумлари 10 миллиард доллардан ошгани маълум қилинди.
Ушбу натижага OpenAI ChatGPT чатботини ишга туширганидан атиги икки ярим йил ўтиб эришди. Шу билан бирга, компания 2024 йилни молиявий жиҳатдан 5 миллиард долларлик зарар билан якунлаган.
Маълумотларга кўра, OpenAI'нинг узоқ муддатли мақсади — 2029 йилга келиб йиллик даромадни 125 миллиард долларга етказиш. Март ойида компания фаол ойлик фойдаланувчилар сони 500 миллионга яқинлашгани, пуллик бизнес обуначилари эса 3 миллионга етгани ҳақида хабар берган эди.
Бугунги кунда компаниянинг бозор капиталлашуви 320 миллиард доллардан ортиқ деб баҳоланмоқда.
