Тинч океанида бир ҳафтадан буён кема ёнмоқда
Гибрид ва электр автомобиллар ортилган кема Тинч океанида ёнғин ичида қолмоқда.
Тинч океанида, Аляска яқинида жойлашган ҳудудда “Morning Midas” номли юк кемасида юзага келган ёнғин бир ҳафтадан буён тўхтамаяпти. Хитойдан Мексикага йўл олган ушбу автоташувчи кеманинг бортида 3000 дан ортиқ автомобиль, жумладан 681 дона гибрид ва 70 дона электр машина бўлган.
5 июнь куни бошланган ёнғин натижасида кема жиддий зарар кўрган. АҚШ Соҳил Хавфсизлик хизмати кемани назорат остига олиш, ёнғинни тўлиқ ўчириш ва уни хавфсиз ҳудудга етказиш устида иш олиб бормоқда. Мутасаддилар кема эгаси билан яқин ҳамкорликда ҳаракат қилмоқда.
22 нафар экипаж аъзоси дастлаб ўз кучлари билан ёнғинни ўчиришга уриниб кўрган, аммо муваффақиятга эриша олмаган. Натижада АҚШ қирғоқ хавфсизлик хизмати уларни бошқа кемага эвакуация қилган.
