Исроил Эронга ҳаводан зарбалар берди Ҳужум оқибатида икки эронлик физик ҳалок бўлди.

Исроил томонидан Теҳронга уюштирилган ҳаво ҳужуми натижасида икки нафар машҳур эронлик ядро физиклари — Муҳаммад Меҳди Теҳрончи ва Эрон Атом энергияси ташкилотининг собиқ раҳбари Ферейдун Аббосий ҳалок бўлди. Бу ҳақда Эроннинг расмий Тасним ахборот агентлиги хабар берди.

 

Агентликнинг маълум қилишича, ҳужум бугун эрта тонгда амалга оширилган ва унинг нишонида Эроннинг ядро дастурига алоқадор шахслар ва иншоотлар бўлган. Ҳалок бўлган физиклар Эроннинг ядровий салоҳиятини шакллантиришда муҳим роль ўйнаган шахслар ҳисобланади.

 

Аввалроқ Исроил Мудофаа кучлари матбуот хизмати мамлакат ҳаво кучлари Эрондаги “ядровий дастур ва ҳарбий объектларга алоқадор ўнлаб нишонлар”га зарба бераётганини маълум қилганди. Реутерс ахборот агентлигининг ёзишича, зарбалар орасида Эрон ҳарбий қўмондонлари ҳам нишонга олинган.