Англияда 2000 йиллик улкан этик топилди
Этикнинг узунлиги 32 см.
Буюк Британиянинг шимолидаги қадимги Рим қалъаси Магна (ҳозирги Карворан)да олиб борилган қазишмалар давомида 2000 йиллик чарм этик топилди.
Кислородсиз шароитда яхши сақланиб қолган этик узунлиги 32 см бўлиб, бу эркаклар этик ўлчами бўйича тахминан 48,5 га тенг. Топилма сув тўлдирилган ариқ тубидан аниқланди.
Этик кўп қаватли чармдан тайёрланган, михлар, боғичлар ва тикувлар билан мустаҳкамланган. Олимлар бу топилма Рим аскарларининг ҳаёт тарзи ва пойафзал ишлаб чиқариш технологиясини ўрганишда муҳим манба бўлишини таъкидламоқда.
Археологлар бу каби топилмалар қадимги Римда ҳарбийлар ўлчами, кийим-кечак сифати ва кундалик ҳаёт ҳақида кўпроқ маълумот олишга ёрдам беришини, айниқса бу этик эгасининг ноодатий катта ўлчами эътиборни тортаётганини айтмоқда.
